चार राजनीतिक पार्टीबीच हिजो भएको ऐतिहासिक सहमतिको स्वागत

माओवादी सेनाका लडाकुको रेखदेख, समायोजन र पुनःस्थापनासम्बन्धी विशेष समितिको आज बसेको बैठकले चार राजनीतिक पार्टीबीच हिजो भएको ऐतिहासिक सहमतिको स्वागत गरेको छ ।
समितिका अध्यक्ष एवम् प्रधानमन्त्री डा बाबुराम भट्टराईको अध्यक्षतामा नयाँ बानेश्वरस्थित समितिको सचिवालयमा बसेको सो बैठकले पुनःस्थापना र समायोजनसम्बन्धी कार्यलाई अविलम्ब अगाडि बढाउने र उक्त कार्यका लागि जनशक्तिसहितको दुईदिनभित्र कार्यतालिका बनाउन सचिवालयलाई निर्देशन दिने निर्णय पनि ग¥यो ।
बैठकपश्चात सञ्चारकर्मीसँग कुराकानी गर्दै समितिका सदस्य वर्षमान पुनले समायोजन र पुनःस्थापना गर्ने कार्य गर्न २३ दिन बाँकी रहेकाले आगामी मङ्सिर ७ गतेसम्मको कार्यतालिका बनाई उक्त कार्य गर्ने सहमति भएको बताउनुभयो ।
यसैगरी समितिका अर्का सदस्य डा मीनेन्द्र रिजालले मङ्सिर ७ गतेसम्मको समयबद्ध कार्यतालिका बनाई समायोजन र पुनःस्थापना गर्ने कार्यलाई अघि बढाइने बताउनुभयो ।

थासाङ स्पोर्टस् अध्यक्षमा शेरचन

थासाङ स्पोर्टस् अध्यक्षमा शेरचन

काठमाडौं कात्तिक ५ गते ।

थासाङ स्पोर्टस् क्लबको पहिलो साधारणसभाले गुप्त शेरचनको अध्यक्षतामा ७ सदस्यीय कार्यसमिति निर्विरोध चयन गरेको छ ।

कृष्ण शेरचनले सह-अध्यक्ष तथा मनप्रसाद गौचनले सचिवको जिम्मेवारी पाए । सदस्यहरुमा गोपाल भट्टचन सम्राट गौचन रामप्रसाद गौचन तथा बिना तुलाचन छन् ।

कार्यसमिति ११ सदस्यीय रहने प्रावधान छ । अब कोषाध्यक्ष सह-सचिव र दुई सदस्यको मनोनयन पश्चात कार्यसमितिले पूर्णता पाउने छ । मनोनयन सोमबार गरिने क्लबले जनाएको छ ।



ग्यालेक्सी खुला टेटे माघमा

अखिल नेपाल टेबलटेनिस संघको तत्वावधान तथा काठमाडौं जिल्ला टेबलटेनिस संघको आयोजनामा सातौं ग्यालेक्सी खुला विद्यालयस्तरीय टेबलटेनिस प्रतियोगिता माघमा हुने भएको छ ।

आयोजक जिल्ला संघका अध्यक्ष धर्ममान वज्राचार्यको अध्यक्षतामा शनिबार लैनचौरमा बसेको बैठकले प्रतियोगिता माघमा गर्ने निर्णय गरेको आयोजक संघका सचिव सुशील पौडेलले जानकारी दिए ।

प्रतियोगिता २०५२ साल पछि पहिलो पटक हुन लागेको सचिव पौडेलले बताए । ग्यालेक्सी पब्लिक स्कुलको प्रायोजनमा हुने प्रतियोगिताको मिति भने तोकिएको छैन ।



विकास र हीराकाजीलाई तीन अंक

चक्रतीर्थ कप फिडे रेटिङ बुद्धिचाल प्रतियोगितामा भक्तपुरका विकास कुलुजु र हिमालयन चेस क्लबका हीराकाजी महर्जनले शनिबार समान ३-३ अंक बनाएका छन् ।

उनीहरुसंगै ३ अंक बटुल्नेमा मच्छिन्द्रका शूरवीर लामा हिमालयनका बद्रीलाल नेपाली हेटौंडाका कृष्ण थापा ध्रुव तारा क्लबका निरज निरौला पाटनका भवानी लिम्बू तथा ललितपुरका रविन्द्र शाक्यले रहेका छन् ।

बरोजगार युवा समूहद्वारा आयोजित प्रतियोगिताको तेश्रो चरणमा विकासले मखन चेस क्लबका सुरेन्द्र श्रेष्ठ हीराले काभ्रेका मदनकृष्ण कायश्थ शूरवीरले संकटाका नवीन तण्डुकार बद्रीले झापाका राजु सुवेदी कृष्णले काठमाडौंका लवकुमार श्रेष्ठ तथा निरजले काठमाडौंका उपेन्द्र कर्माचार्यलाई हराए ।

चौभारमा भएको प्रतियोगिताको अन्य तेश्रो चरणका खेलमा भवानीले हिमालयनका प्रेमकृष्ण महर्जन तथा रविन्द्रले झापाका ईश्वरकुमार थापालाई निराश तुल्याए ।

त्यस्तै महेन्द्र चेस क्लबका श्यामसुन्दर श्रेष्ठ र मखनका राजेन्द्र श्रेष्ठ तथा ललितपुरका विपिन अमात्य र काठमाडौंका राजन पुरीले बराबरीमा खेल टुंगाए । उनीहरुको समान २।५-२।५ अंक छ ।

नोट ः चौथो चरणका खेल बिहान ९ः०० बजे र पाँचौं चरणका खेल अपरान्ह १ः०० बजेदखि हुनेछ



मनाङ मस्र्याङ्दीका वङगेल शीर्ष स्थानमा उक्लिए

लक्ष्मी हुन्डाइ मनाङ मस्र्याङ्दी क्लबका वङगेल गुरुङले शनिबार अन्तिम समयमा लगातार डबल शर प्रहार गरेर तीन अंक बनाएपछि काठमाडौंमा जारी खुला धनुषवाण प्रतियोगिताको शीर्षस्थानमा उक्लिएका छन् ।

उनले उत्कृष्ट खेल प्रर्दशन गर्दै तेस्रो दिनको उत्कृष्ट धनुर्धरको उपाधि पनि हात पारे । उत्कृष्ट धनुर्धर भएवापत उनलाई २६ हजार दुई सय रुपैयाँ नगद आयोजकका अध्यक्ष खगेन्द्र भट्टचनले हस्तान्तरण गरे ।

दोस्रो दिन नेपाल छन्त्याल संघका गोविन्द छन्त्याल ६ अंकका साथ शीर्ष स्थानमा रहेका थिए भने वङगेलको दुई अंक मात्र थियो । तेस्रो दिन थप ६ अंक जोडेपछि वङगेलले गोविन्दलाई पछि पार्दै आफूलाई शीर्ष स्थानमा उभ्याउन सफल भएका हुन् । उनले डबल शर निसानमा लगाउदै एकैपटक तीन अंक थपेका थिए । वङगेलको कूल ८ अंक भएको छ ।

गोविन्द भने पुरानो लयलाई कायम राख्न नसक्दा एक अंक मात्र जोडेर सात अंकका साथ दोस्रो स्थानमा झरे ।

समान ४-४ अंकसहित तीन खेलाडी तेस्रो स्थानमा रहेका छन् । मार्फा मिलिजुली क्लबका चित्रलाल हिराचन तेस्रो दिन तीन अंक बनाएर कूल चार अंक पुर्याए । त्यसैगरी नेपाल छन्त्याल संघका दीपक छन्त्यालले दुई अंक थपे भने मुस्ताङ बाह्रगाउँका उर्गेन गुरुङले पनि एक अंक जोड्दै चार अंक बनाए ।

आयोजक नेपाल-जापान सम्पर्क समितिको आयोजनामा बालाजुको विनायक बस्तीस्थित थकाली सेवा समितिमा भएको खेलमा तीन अंक सहित म्याग्दी मगर समाजका तिलकमान पुन थासाङ स्पोर्टस् कलबका देवेन्द्र भट्टचन लालेन्द्र गौचन र रामप्रसाद गौचन आयोजक नेपाल-जापान सम्पर्क समितिका महेन्द्र तुलाचन र म्याग्दी मगर समाजका कुमार पाइजाले तीन-तीन अंक जोड्ेका छन् ।

झिटिगुण्टा बोकेर कुलेलम ठोक्ने योजनामा वाग्ले

सरकारले वैदेशिक रोगारको क्षेत्रमा देखिएको विकृति विसंगति अन्त्य गरी यसलाई व्यवस्थित र मर्यादित बनाउन नयाँ–नयाँ कदम चालेपछि वैदेशिक रोजगारीको नाममा मानवतस्करी गर्ने गिरोहको धन्दामा अंकुश लागेको छ । सरकारले मानव तस्करहरूलाई तह लगाउन तीव्र तयारी गरिरहेकाले धेरै तस्करहरू झिटिगुण्टा बोकेर कुलेलम ठोक्ने योजनामा लागेको बुझिएको छ ।
विदेश जाने कामदारहरूलाई सरकारी निकायदेखि व्यवसायीसम्मले डस्नु डसेकाले यस्ता कार्य तत्काल रोक्न श्रम मन्त्रालयको समेत जिम्मेवारी सम्हालिरहेका प्रधानमन्त्री डा. बाबुराम भट्टराईले तदारुकता देखाएका छन् जसका कारण अत्तालिएका केही मानव तस्करहरू फरार भैसकेका छन् भने कोही भाग्ने समयमा सोझासाझा कामदारबाट दह्रो रकम उठाउने योजनामा रहेको समाचार प्रप्त भएको छ ।
यसै क्रममा जापान र इजरायलको नाममा करोडौं रकम उठाएका ललितपुरस्थित पाथिभरा ओभरसिजका हंसराज वाग्ले पनि फरार हुने तयारीमा रहेको जानकारी खाडी सन्देशलाई प्राप्त आएको छ । नेपाल वैदेशिक रोजगार व्यवसायी संघका प्रथम उपाध्यक्ष समेत रहेका वाग्लेको कम्पनीले गत वर्ष जापानको लागि सय जनाभन्दा बढीको माग ल्याए पनि हालसम्म कामदार पठाउन भने सकेका छैनन् ।
वाग्लेले जापानको नाममा झन्डै सयजनासँग प्रतिव्यक्ति पाँचदेखि नौं लाख रुपैयाँका दरले रकम उठाएको स्रोतले जनाएको छ । त्यस्तै, उनले पछिल्लोपटक इजरायल पठाउने लोभ देखाउँदै डेढ दर्जन व्यक्तिसँग पनि ८ लाख रुपैयाँका दरले रकम उठाएको श्रोतले जानकारी दिएको छ । हाल सम्पर्कवीहिन अवस्थामा रहेका वाग्ले फरार हुन लागेको चर्चाले संघमासमेत ठूलो हलचल मच्चिएको छ । उनले भाषा र सीप जान्दै नजानेकालाई पनि कागजपत्र मिलाएर पठाइदिने आश्वासन बाँढेर रकम असुलिरहेको बुझिएको छ ।


फोटो परिवर्तन गरिएको राहदानी बाकेर कुवेत

गरीब नेपाली युवाहरूको टाउको बेचेर खान पल्किएका मानवतस्करहरूको गिरोहले एकपछि अर्को नयाँ–नयाँ बाटो अपनाउँदै खाडी मुलुकमा अवैधरूपमा मानव ओसारपसार जारी राखेका छन् । मुलुकमा रहेका यस्ता गिरोहहरूलाई राज्यले निगरानी राखेपछि उनीहरू अहिले भारतको नयाँ दिल्लीलाई केन्द्रबिन्दु बनाएर निर्वाध रूपमा आफ्नो गोरखधन्दा गरिरहेका छन् । नेपालबाट लखेटिएका यस्ता गिरोह पछिल्लो समयमा भारतमा बसेर निकै सक्रिय रहेको पाइएको छ ।
भारतबाट नक्कली राहदानीमा कुवेत जान लागेका एक युवक दूतावासबाट फर्काइएको हप्ता दिन बित्न नपाउँदै भारत हुँदै अवैधरूपमा खाडी जान लागेकी अर्की एक १५ वर्षीया किशोरी पक्राउ परेपछि यस्तो खुलासा भएको हो । फोटो परिवर्तन गरिएको राहदानी बाकेर कुवेत जान लागेकी झापा ज्यामिरगडी–२की सुकुन राईलाई केन्द्रीय अनुसन्धान व्यूरोले पक्राउ गरेपिछि नक्कली राहदानीमा विदेश पठाउने काममा ठूलै समूह लागेको अनुमान अधिकारीहरूले गरेका छन् ।
राईलाई कुवेत पठाउने गिरोहले भारतको नयाँ दिल्ली लगि उनकै दिदी २७ बर्षीया इन्द्रकुमारी राईको ४३६२३७१ नम्बरको राहदानीमा फोटो फेरेको अनुसन्धानबाट खुलेको जनाइएको छ । उनलाई फोटो परिर्वतन गरिएको सक्कल राहदानी र नेपाली नागरिकता सहित पक्राउ गरेको जानकारी प्राप्त भएको छ । उक्त गिरोहले किशोरीहरूलाई नयाँ दिल्ली लगि फर्जी रहदानीबाट खाडी मुलुकका विभिन्न देशमा लैजाँदै आएको रहस्य खुलेको छ । १ लाख रुपैयाँभँदा बढी रकम लिएर पठाउने गरेको अनुसन्धानबाट खुलेको छ ।
उता, काठमाडौंबाट नेपालगञ्ज जाने बुद्ध एयरमा शनिबार लेबनान जान लागेका ४ युवती भेटिएपछि अवैध रूपमा लेबनान पठाउने गिरोहको अर्को रूट पत्ता लागेको छ । ती युवतीहरूलाई दलालले नेपालगन्जबाट लखनउँ हुँदै लेबनान लैजान लागेको सोधपुछको क्रममा बताएका छन् । नेपालको विमानस्थलमा कडाई भएपछि मानवतस्कर गिरोहले भारत हुँदै लेबनान लैजाने गरेको पाइएको छ । यस घटनामा संलग्नहरूलाई पनि प्रहरीले पक्राउ गरिकोको छ ।
यसैबीच, एमआरपी लिन सर्वसाधारणले सास्ती खेप्नुपरेको भन्दै चर्को आवाज उठेपछि परराष्ट्र मन्त्रालयले मंसिर महिनादेखि मुलुकका सबै जिन्लाका प्रशासन कार्यालयबाट एमआरपीको सेवा सुरु गर्ने भएको छ । हाल ४१ जिल्लामा सीमित रहेको एमआरपी सेवालाई विस्तार गर्न जिल्लाहरूमा तालिम जारी रहेको मन्त्रालयका अधिकारीले बताएका छन् । जिल्लास्थित प्रशासन कार्यालयमा फर्म भरेर बुझाएपछि जिल्लाबाटै डेढ महिनाभित्रमा एमआरपी पाउन सकिने सुविधा सर्वसाधारणले पाउनेछन् ।www.khadisandesh.com

सहमतिप्रति आपत्ति जनाउदै आएको उपाध्यक्ष मोहन वैद्य

काठमाण्डौ । मंगलवार राति प्रमुख दलहरुवीच भएको ७ वुँदे सहमतिप्रति आपत्ति जनाउदै आएको उपाध्यक्ष मोहन वैद्य किरण पक्षले सात वुँदे सहमतिको विरोधमा ७ वुँदे सहमतिको ड्राफ्ट जलाउने भएको छ । सात वुँदे सहमतिप्रतिको आफ्नो आधिकारिक धारणा पत्रकार सम्मेलन गरी सार्वजनिक गरेपछि राष्ट्रिय सभागृह अगाडी वैद्य पक्षले ड्राफ्ट दहन गर्ने भएको हो । त्यस्तै सहमतिको विरोधमा वैद्य पक्ष कार्यकर्ताहरुले सस्थापन पक्षका नेताहरुलाई कालो भण्डा देखाउने वताएको छ

ककनी चिनाउन महोत्सब

चम्पादेवी ककनी चिनाउन महोत्सब

रविन राचलिका हरीत समूह भक्तपुर
नेपालका पहरा र पखेराहरु पर्यटनको दृष्टिकोणले उत्तम छन् । त्यसैले कन्दराहरुलाई बिश्व सामु चिनाउन महोत्सब हुने गरेका छन् । ओखलढुङगाको पोकली झरना चिनाउन महोत्सब गरिए पछि त्यहाँ पुर्वाधार निमार्णको कार्य भएका छन् । अहिले पोकली झरना आरोहण गर्नलाई उपकरण जडान गरिएका छन् । सोही क्षेत्रमा रहेको चम्पादवी ककनी चिनाउन यस पटक पनि महोत्सब हुने भएको छ । महोत्सब कार्तिक २० देखि छ दिन सम्म चल्नेछ ।
धार्मिक पर्यटकीय गन्तब्यको पहिचान दिन चम्पादेबी महोत्सब गरिन लागिएको हो । हरेक बर्ष त्यहाँ अबस्थित चम्पादेबी मन्दिरमा हरिबोधनी एकादशी देखि पाचमी सम्म भब्य मेला लाग्ने गर्दछ । यो मेला भर्न आउन भक्तजनहरुलाई लक्षित गरी महोत्सब गरी स्थानीय अन्य पर्यटकीय महत्व उजागर लक्ष्य आयोजकले लिएको छ ।
काठमाण्डौंबाट महोत्सब अबलोकन गर्न जानेहरुको लागि ७ दिने प्याकेजको ब्यबस्था गरिएको छ । प्याकेजमा काठमाण्डौं देखि ओखलढुङगा सम्मको बस यात्रा स्थानीय स्थलहरुको दृष्याबलोकन पोकली झरनाको छाँगा आरोहण समेत राखिएको छ । तस्बिरमा झरनामा स्नान गरिरहेका युवाहरु देखिएका छन् । थप फोटो धधध।ाबअभदययप।अयुरचबअजबष्अिब मा उपलब्ध छन् ।
काली गण्डकीमा जलयात्रा
लुम्बिनी र तनँहुको बीचमा पर्ने स्याङजाको सिरुबारी र पाचासे हिल स्टेसनको रुपमा चिनिएको छ । सोही क्षेत्र भएर बग्ने कालीगण्डकी नदीको जलयात्राको ब्यबसायिक प्रचार प्रसारको लागि तेश्रो पटक काली गण्डकी नदी महोत्सब हुने भएको छ । कार्तिक २० २१ र २२ गते तिन दिन चल्ने महोत्सबमा हुने भएको हो । महोत्सबको जलयात्रामा सहभागी हुन चाहनेले खाना सहित १ हजार रुपैया खर्च गरे पुग्छ । एक रात समेत त्यही बिताउन चाहनेहरु भने १५ सय रुपैया मात्र तिरे पुग्छ । महोत्सब सहभागी हुनेले २८ किलोमिटर जलयात्रा गर्न पाउनेछन् । अरु बेला कम्तिामा पनि २५ सय रुपैया लाग्छ ।
शुक्रबार तेखापुखु उद्घाटन हुने
भक्तपुरको तेखापोखरी स्थानीय समुदायले पुणनिर्माण गरेका छन् । होलीको दिन अबिर खेल्नेहरुको भीड हुने उक्त पोखरीको बीचमा महादेबको मुर्ति बनाइएको छ । पोखरीको पर्खालमा एक जोडी नागनागिनीको कालो मुर्ति समेत बनाइएको छ । पोखरी परिसरमा काली भगवती हनुमान र नरसिहको मुर्ति बनाइएको छ । पोखरीको मुलगेटमा दुइवटा प्रस्तरका सिह निमार्ण भएको छ । पोखरी उद्घाटन गर्न स्थानीय समुदाय जोडतोडका साथ लागेका छन् । पोखरी उद्घाटन गर्न कार्तिक १८ गते शुक्रबार दिउँसो २ बजे राष्ट्रिय स्तरका एक नेता आउने भएको छ । सोही दिन साँझ पोखरी परिसरमा दिपावली गरी साँस्कृतिक कार्यक्रम समेत प्रर्दशन हुनेछ ।
लुम्बिनीमा श्रामणेर प्रबज्या
शान्तिका प्रतिक बुद्धको जन्मथलोमा १११२ जना ब्यक्तिहरुको सामुहिक प्रबज्याको कार्यक्रम हुने भएको छ । एक साथ हजारौं युवा प्रवज्यामा सहभागी हुनुले बुद्ध शिक्षा प्रति युवाको लगाव बढेको देखिन्छ । गौतम बुद्धले प्रतिपादन गरेको ज्ञानलाई युवापुस्ता माझ पुर् याउन प्रबज्या गरिन लागिएको हो । कार्तिक २४ देखि मंसिर १२ सम्म प्रबज्यामा सहभागी युवाले काठमाण्डौंका पाँच सहर र लुम्बिनी परिक्रमा गर्नेछन् । कार्यक्रमअनुसार मंसिर २ गते लुम्बिनी परिक्रमा गराइनेछ । मंसिर ८ गते काठमाण्डौं उपत्यकाको परिक्रमा र मंसिर १० गते राष्ट्रपतिको उपस्थित टुडिँखेलमा दीप प्रज्ववलन गरिदैछ । मंसिर १२ गते सहभागनीहरु आ आफ्नो निवास फर्कनेछन् ।
पानी शुद्धीकरणको लागि लप्सीको उपयोग
रविन राचलिका हरीत समूह भक्तपुर
त्रिभुवन बिश्वबिद्यालयका रसायनशास्त्री राजाराम प्रधानाङगको संग्लगतामा लप्सी संम्बन्धी तीनवटा खोज भएका छन् । यी खोजको सारसंक्षेप काठमाण्डौंमा आयोजित रसायनशास्त्रीहरुको भेला प्रकाशित पुस्तकमा संकलन गरिएको छ ।
एक गाउँ एक उत्पादन अन्तर्गत भक्तपुरका आठ गाबिसमा ब्यबसायिक लप्सी खेती भएको सन्दर्भमा यो खोज यहाँका कृषकहरुको चासोको बिषय भएको छ । खोज अनुसार लप्सीका बियाँ च्याम्पती पानी शुद्धीकरणको लागि उपयोग गर्न सकिन्छ । प्रधानाङगको टोलीले गरेको प्रयोगबाछ लप्सी च्याम्पतीबाट निस्कने कार्बनको मद्दतबाट पानीमा हानिकारक बस्तुको रुपमा रहने आरसनिक सीसा अथवा लिड र फ्लोराइड नामका रासायनिक पदार्थ हटाउनस सकिन्छ ।
बर्तमान परिप्रेक्षमा सरकारी पाइपलाइनबात सबैको घरमा पानी आपुर्ति गर्न सकिएको छैन । यसको फलस्वरुप घरघरमा खनिएका इनारहरुको पानी शुद्धिकरणको लागि च्याम्पती प्रबिधि एक उपयोगी साधन हुने देखिएको छ ।

सद्भावना पार्टी गजेन्द्रवादीको प्रेस-विज्ञप्ति

मिति २०६८;७;१५ गतेका दिन एकीकृत नेकपा माओवादी नेपाली काँग्रेस नेकपा एमाले तथा मधेशी मोर्चा बीच शांति प्रकि्रया संविधान निर्माण र राष्ट्रिय सहमतिको सम्बन्धमा भएको सात बुँदे सम्भौता केही अर्थमा सकारात्मक भए पनि यो सम्झौताले मुलुकको प्रमुख राजनैतिक र सामुदायिक द्वन्दको रुपमा रहेको मधेशको मांगहरुलाई सम्बोधन गर्न नसकेको तथा मधेशलाई विगत झै विभेद र शोषणमा राखी राख्ने उद्देश्यमा केन्द्रित रहेको भन्ने नेपाल सद्भावना पार्टी गजेन्द्रवादी को ठहर छ । सम्झौताको निम्न विषयहरुप्रति हाम्रो असहमती रहेको छ ।
१। विगतमा भएको जनआन्दोलन र मधेश आन्दोलनले दिएको जनादेश अनुरुप एकात्मक केन्दिकृत राज्य संयन्त्रहरुलाई खारेज गर्दै राज्यको सम्पूर्ण संयन्त्र र निकायहरुमा मधेशीहरुको सम्मानजनक सहभागिता गराई राष्ट्रिय स्वरुप प्रदान गर्नु पर्नेमा अराष्ट्रिय अलोकतान्त्रिक र असमान स्वरुप र चरित्र बोकेको नेपाली सेना र माओवादी सेना मात्रको महानिर्देशनालय गठन गरी त्यसलाई विकास निर्माण वन सुरक्षा र औद्योगिक सुरक्षाको जिम्मा दिने सम्झौता गरिएको सन्दर्भमा मधेशीहरुलाई यसबाट अलग राख्न खोजिएको स्पष्ट छ । यसले सुरक्षाको नाममा मुलुकको प्रमुख प्राकृतिक श्रोत आर्थिक स्रंोत र गतिविधिहरुमाथि कुनै एक समुदाय मात्रको नियन्त्रण हुने रणनीति सम्झौतामा अन्र्तनिहीत रहेको प्रष्ट छ ।
२।मुलुकमा स्थायी शान्तिका लागि प्रमुख चुनौतिको रुपमा रहेको मधेशका सशस्त्र समूहहरुको सम्मानजनक राजनैतिक निकास सँगै उनीहरुको पुनःस्थापनाका लागि शिक्षा तालिम र व्यावसायिक अवसरहरुको प्याकेजको व्यवस्था गर्ने दिशामा सम्झौतामा कहि कतै उल्लेख गरिएको छैन । यसले मधेशलाई द्वन्द र दमनको अखाड।ा बनाई राख्ने र शान्ति प्रकि्रयालाई एकहोरो किसीमले अगाड।ी बढाउने भन्ने गैरमधेशी दलहरुको उद्देश्य रहेको भन्ने स्पष्ट छ ।
३। यसै गरी सम्झौतामा संविधान निर्माणको सन्दर्भमा संविधानसभाका विभिन्न समितिहरुबाट पारीत भएका नागरिकता भाषा भूमि हदवन्दी र राज्य पुर्नसंरचनाको सन्दर्भमा मधेशलाई कमजोर र विभाजन गर्ने मधेश विरोधी प्रावधानहरु खारेजीको बारेमा कही कतै उल्लेख गरिएको छैन । तथा राज्य पुनःसंरचनाको सन्दर्भमा जनआन्दोलन र मधेश आन्देलनले दिएको जनादेश अनुरुप राजनीतिक आर्थिक र सांस्कृतिक अधिकार सम्पन्न समग्र मधेश स्वायत्त प्रदेशको निर्माण गर्नु पर्नेमा यसलाई विज्ञहरुको समिति बनाई सो समितिले दिएको सुझावको नाममा मधेशको भौगोलिक सामुदायिक र सांस्कृतिक एकरुपतालाई खण्डित गर्न र संघीय नेपालमा मधेशको राजनीतिक भौगोलिकआर्थिक र सामुदायिक भूमिका र प्रभावलाई कमजोर बनाउने उद्देश्य समेत सम्झौतामा अन्र्तनिहीत रहेको प्रष्ट छ ।
शान्ति प्रकि्रया संविधान निर्माण र राष्ट्रिय सहमति जस्ता महत्वपूर्ण मुद्दाहरुको सन्दर्भमा मधेशको मांगहरुलाई सम्बोधन गर्न नसकेको मधेश विरोधी र मधेश घाती सम्झौताको रुपमा यो सम्झौता रहेको छ । यसका साथै सत्तावादी मधेशवादी राजनीतिक शक्तिहरु वास्तवमा बेलाबखत गैरमधेशी दलहरुबाट आवश्यकताको सिद्धान्त अनुरुप उपयोग हुदै आएको र सत्तामा टिकीरहन जस्तो सुकै मधेश विरोधी सम्झौतामा साक्षी किनारा बस्न तयार रहने चरित्रको पुनरावृतिको रुपमा यो सम्झौता भएको हो भन्ने समेत नेपाल सद्भावना पार्टी गजेन्द्रवादी को ठहर छ ।
यसर्थ राष्ट्रिय पहिचान सम्मान र समान प्रतिनिधित्वका लागि लडि।रहेका आम मधेशी जनताको
चाहना र भावना विपरितका सम्झौताका मधेशी विरोधी प्रावधानहरुलाई खारेज गर्दै मधेशको मांंगहरुलाई समेत सम्बोधन गरी शान्ति र संविधानको कामलाई पूर्णता र सार्थकता प्रदान गर्न सम्बन्धित पक्षसँग जोड।दार मांग समेत गर्दछौ ।