न्यायालय पनि शक्तिका सामु चुक्ने गरेको तथ्य सार्वजनिक

काठमाडौं÷आम जनताले सरकारको नियम अनुसार निर्माण गरेको न्यायालयले निश्पक्ष न्याय गर्ने आशा जनताले राखेका हुन्छन । तर त्यहि न्यायालय पनि शक्तिका सामु चुक्ने गरेको तथ्य सार्वजनिक भएको छ । काशी तिवारी हत्या प्रकरणमा मुछिएका भूमिसुधार तथा व्यवस्था मन्त्री प्रभु साहलाई जिल्ल्ाा सरकारी वकिलको कार्यालय पस्राले उन्मुक्ति दिएपछि त्यो तथ्य छर्लङ्गिएको हो । प्रहरी अनुसन्धानबाट मुख्य योजनाकारका रुपमा देखिएका मन्त्री साह उपर सरकारी वकिल कार्यालयले शक्तिको सामु नतमस्तक भएर मुद्दा नै दायर गर्न सकेन । बर्तमान प्रधानमन्त्री डा। बाबुराम भट्टराईका निकट व्यक्तिको रुपमा परिचित शाहलाई उनको आडमा उन्मुक्ति दिन लागीएको हो ।

बुधबार जिल्ल्ाा अदालत पस्रामा दायर गरिएको मुद्दाबाट मन्त्री साहको नाम हटाइएको छ । चार जना उपर उक्त हत्या प्रकरणमा मुद्दा चलाइएको छ । मन्त्री साहका स्वकीय सचिव सियाराम कुशवाहालाई सर्वस्वसहित जन्म कैदको माग गर्दै मुद्दा पेस गरिएको छ । त्यस्तै हत्या गर्ने बेलामा मोटरसाइकल चालक रहेका अमन कुशवाहालाई १० वर्ष कैद तथा मुकेश सर्राफ र बलराम साहलाई मतियार भन्दै तीन÷तीन वर्ष कैद सजायको माग गरिएको छ ।

मुद्दा पेस गर्न जिल्ला अदालत पुगेका सहायक जिल्ल्ाा न्यायधिवक्ता सत्यनारायण यादवले प्रहरीले दिएको मिसिल्ामा प्रमाण अभाव रहेकाले मन्त्री साह उपर तत्काललाई मुद्दा नचल्ााइएको जानकारी दिए । तर प्रहरीले भने अन्य आरोपित सरहको नै मिसिल मन्त्री शाहको पनि बनाएको बताएको छ ।