मधेशीदलमा ग्याङ फाइट

काठमाण्डौ ÷ सत्ता भने पछि नेता हुरुक्क हुन्छन । सत्तालिप्साका कारण मधेशीदलहरुको तछाड मछाड पनि मजैले देख्न पाईन्छ । अरुलाई पर्दा कुरा आउछ आफुलाई पर्दा ज्वरो भने झै यति बेला मधेशीदल बिच आ - आफ्नो दलमा मन्त्रीको लागि ग्याङ फाइट जस्तै चलेको छ । ५ मधेशी दलको संयूक्त लोकतान्त्रिक मधेशी मोर्चाले यो कुरा सिद्धगरिरहेको छ । आन्दोलन द्धारा स्थापित भएको भनिएको मधेशवादी दलहरु सत्तालाई समेत आन्दोलनको रुपमा प्रयोग गर्नुपर्ने हो तर मधेशवादी दलहरुमा यति बेला सत्ताकै कुरालाई लिएर किचलो मच्चिएको छ । मन्त्रीको विषयलाई लिएर खासरुपमा मधेशी मोर्चामा आवद्ध तिन दलहरुमा लामो किचलो रहेको प्रष्ट भइसकेको छ । समाचार श्रोतका अनुसार विजय कुमार गच्छेदार को नेतृत्व रहेको मधेशी जनअधिकार फोरम लोकतान्त्रिक महन्थ ठाकुर नेतृत्वको तराई
मधेश लोकतान्त्रिक पार्टी र महेन्द्र राय यादव नेतृत्वको तमलोपा नेपालमा किचलो मच्चिएका हुन् । आन्तरीक सहमति हुन नसकेपछि यस अघि तमलोपा नेपालले पाएका २ मन्त्रालयका जिम्मेवारी स्वयं उक्त पार्टीका अध्यक्ष महेन्द्र राय यादवले लिएका छन् भने तमलोपा ले पाएको र महन्थको जिम्मेवारी समेत उक्त पार्टीका तर्फबाट मन्त्री बनेका हृदेश त्रिपाठी ले नै सम्हालीरहेका छन् । त्यस्तै फोरम लोकतान्त्रिकले पाएको चार मन्त्रालय मध्ये २ जना मात्र मन्त्री बनेका छन् ।समाचार श्रोतका अनुसार फोरम लोकतान्त्रिक तमलोपा नेपाल तमलोपा गरी तिन दलहरुमा सबै भन्दा बढि किचलो रहेका छन् भने फोरम गणतान्त्रिक र सद्भावना पार्टीमा समेत राज्यमन्त्रीको कुरालाई लिएर किचलो
भईरहेका छन् । तमलोपा नेपालमा दलबहादुर कुर्मी गोविन्द चौधरी उर्मिला महतो लगायतले मन्त्री बन्ने दाबी गर्दे आएका छन् भने अध्यक्ष यादवले सहअध्यक्ष रामचन्द्र कुश्वाहा सँग विशेष सहमति गरी उहुको सहमतिमा मात्र कसैलाई मन्त्री बनाउने बताएका छन् । त्यसो त नाम का सहअध्यक्ष मात्र
रहेका कुश्वाहा को खासै प्रभाव तमलोपा नेपालमा नरहेको एक श्रोतले बताए । श्रोतले भने कुश्वाहाको पनि केही चल्दैन मन्त्री बन्ने प्रयासमा यतिबेला तमलोपा नेपालमा मारामारको अवस्था रहेको छ । त्यस्तै फोरम लोकतान्त्रिक मा रक्षा मन्त्री बन्ने पक्का पक्की भनिएका शरदिसंह भण्डारी नेताहरु रामजनम चौधरी करिमा वेगम सत्रुधन महतो लगायतका नेताहरुले यतिबेला पार्टीमा ताम्डब नृत्य गरिरहेका छन् ।त्यसो त समाचार स्रोतका अनुसार पार्टी फोड्ने सम्मको कसरत भईरहेको छ तर बारगेनिङ भने मन्त्रीकै विषय हो । त्यस्तै तमलोपामा पनि उही हालत रहेको नेताहरु जितेन्द्र गणेश नेपाली चन्दा चौधरी लगायतले कानुन मन्त्री आफुले पाउनुपर्ने माग गर्दे आएका छन् । त्यस्तै
राज्यमन्त्रीको विषयमा समेत किचलो चलिरहेको र आवश्यक परे फेरी पार्टी फुट्न सक्ने समाचार श्रोतले बताए । यता फोरम मन्त्रीमा ककसलाई पठाउने र कोको बन्ने भनि आन्तरिक विवाद
रहेको श्रोतले बतायो ।